രാമായണ സിനിമയിൽ നടൻ യഷ് ധരിച്ച വേഷങ്ങളുടെ ഭാരത്തെക്കുറിച്ചും ചിത്രീകരണ വേളയിലെ അനുഭവങ്ങളെക്കുറിച്ചും പ്രമുഖ കോസ്റ്റ്യൂം ഡിസൈനർ സാനിയ സർധാരിയ 'ഇന്ത്യാ ടുഡേ'യോട് സംസാരിച്ചു. ചിത്രത്തിനായി തയ്യാറാക്കിയ വേഷവിധാനങ്ങൾ അത്രയധികം സങ്കീർണ്ണവും ഭാരമേറിയതുമായിരുന്നു എന്ന് അവർ വെളിപ്പെടുത്തി. സാധാരണയായി ആഭരണങ്ങൾ ഉൾപ്പെടെ മിക്ക വേഷവിധാനങ്ങൾക്കും ഏകദേശം 16 മുതൽ 20 കിലോ വരെ ഭാരമുണ്ടായിരുന്നുവെന്ന് സാനിയ പറയുന്നു.
'ആഭരണങ്ങൾ ഉൾപ്പെടെ മിക്ക വേഷവിധാനങ്ങൾക്കും ഏകദേശം 16 മുതൽ 20 കിലോ വരെ ഭാരമുണ്ടായിരുന്നു. ലങ്കയുമായി ബന്ധപ്പെട്ട രാവണന്റെ വേഷം, അദ്ദേഹത്തിന്റെ വിവാഹവേഷം, ശൂർപ്പണഖയുടെ വിവാഹവേഷം എന്നിവയ്ക്ക് ഭാരം വളരെ കൂടുതലായിരുന്നു. ഓർമ്മ ശരിയാണെങ്കിൽ, അവയ്ക്ക് ഏകദേശം 30 മുതൽ 33 കിലോ വരെ ഭാരമുണ്ടായിരുന്നു.
'കിരീടം ധരിപ്പിക്കുക എന്നതായിരുന്നു ഏറ്റവും വലിയ വെല്ലുവിളി. കാരണം തലയിൽ അല്പം ഭാരം വന്നാൽ പോലും അത് വലിയ അസ്വസ്ഥതയുണ്ടാക്കും. അതിനാൽ, ഈ കാര്യത്തിൽ ഞങ്ങൾ ധാരാളം പരീക്ഷണങ്ങൾ നടത്തി. 3D സാങ്കേതികവിദ്യ ഉപയോഗിച്ച് പലതവണ മാതൃകകൾ നിർമ്മിക്കുകയും, ആദ്യം ഡിസൈൻ കൃത്യമാണെന്ന് ഉറപ്പുവരുത്തുകയും ചെയ്തു.
പിന്നീട്, ഭാരം പരമാവധി കുറയ്ക്കുന്നതിനായി ഞങ്ങൾ അതിൽ പല മാറ്റങ്ങളും പരീക്ഷിച്ചുനോക്കി. എന്നാൽ 1.8 കിലോഗ്രാമിൽ താഴേക്ക് ഭാരം കുറയ്ക്കാൻ ഞങ്ങൾക്ക് സാധിച്ചില്ല. ഞങ്ങൾക്ക് ചെയ്യാൻ കഴിയുന്ന ഏറ്റവും മികച്ച കാര്യമായിരുന്നു അത്. എങ്കിലും ആ ഭാരം പോലും വളരെ കൂടുതലായി തോന്നി. അദ്ദേഹത്തിന്റെ മുഖഭാവങ്ങളിലോ മറ്റോ ഇത് പ്രകടമല്ലെങ്കിലും, ഇതൊരു വലിയ ദൗത്യം തന്നെയായിരുന്നു''. സാനിയ കൂട്ടിച്ചേർത്തു.
Content Highlights: Designer Sania shares insights into the elaborate costumes created for Yash in Ramayana. The outfits weigh 33 kg, while the crown weighs 1.8 kg, highlighting the scale and detailing of the film's costume design.